Friday, 8 February 2013

Teri Yaadon Ke Raastay Ki Taraf

Teri Yaadon Ke Raastay Ki Taraf
Ik Qadam Bhee Nahee Barhuun Ga Mein
Dil Tadapta Hai Tere Khat Parh Kar
Ab Tere Khat Nahee Parhuun Ga Mein

Nashaa-e-Naaz Ne Be-Haal Kia Hai Tum Ko


Nashaa-e-Naaz Ne Be-Haal Kia Hai Tum Ko
Apne Hee Zor Mein Kamzor Hoi Jaati Ho
Mein Koi Aag Nahee, Aach Nahee, Dhoop Nahee
Kiun Paseenay Mein Sharaabor Hoi Jaati Ho ?

Kaun sood-o-ziyaa’n ki duniya mein,

Kaun sood-o-ziyaa’n ki duniya mein,
Dard-e-ghurbat ka sath deta hai,

Jab muqaabil hon ishq aur daulat,
Husnn daulat ka saath deta hai..

Yeh kaafi hai ke hum dushman nahin hain,

,
Yeh kaafi hai ke hum dushman nahin hain,
Wafaadari ka daava kyon? karain hum
..

Thursday, 7 February 2013

Tohmatein to lagti hain

 http://topyaps.com/wp-content/uploads/2011/09/lonely-sad-boy.jpeg

Tohmatein to lagti hain
roshni ki khwahish mein

ghar se baahar aane ki
kuch saza to milti hai

log-log hote hain
inn ko kya khabar jaana’n

aap ke iraado’n ki
khubsoorat aankhon mein

basne waale sapno’n ke
rang kaise hote hain

dil ki god aangan mein
palne waali baato’n ke

zakhm kaise hote hain
kitne gehre hote hain
 
kab ye soch sakte hain
aisi be-gunaah aankhein

ghar ke kone khudro’n mein
chhup ke kitna roti hain

phir bhi ye kahaani se
apni kaj-bayaani se

iss kadar rawaani se
daastan sunte hain

aur yaqeen ki aankhein
sach ke gham-zada dil se

lag ke kitna roti hain
tohmatein to lagti hain

roshni ki khwahish mein
tohmato’n ke lagne se

dil se dost ko jaana’n
ab nidhaal kya karna

tohmato’n se kya darna
tohmatein to lagti hain

roshni ki khwahish mein
ghar se baaher aane ki

kuch saza to milti hai..!