Wo Kehti hai Suno Jana

"Wo Kehti hai Suno Jana
Mohabbat Moom Ka Ghar Hai
Tapish Bad Gumani Ki
Kahin Pighla Na De iss ko"

"Main Kehta Hoon
Jis Dil Main Zara B Badgumani Ho
Wahan Kuch Or Ho Tu Ho
Mohabbat Ho Nahi Sakti"

Wo Kehti Hai Sada Aisay Hi
Kaya tum Muj Ko Chaho Gaye
Keh Main Is Main Kami Koi Bhi
Gawara Ker Nahi Sakti"

"Main Kehta Hoon
Mohabbat Kaya Hai
Yeh Tum Nay sikhaya Hai
Mujay Tum Say Mohabbat K Siwa
Kuch Bhi Nahi Aata"


"Wo Kehti Hai
Judai Say Buht Darta Hai Mera Dil
Keh Khud ko Tum Say Hat Ker Dekhna
Mumkin Nahi Hai Ab"

Main Kehta Hoon
Yahi Khadshay Bohat Muj Ko satatay Hain
Mager Sach Hai Mohabbat Main"
Judai Saath Chalti Hai

"Wo Kehti Hai
Batao Kaya Mere Bin Ji Sako Gaye Tum
Meri Baatien,Meri Yaadien,Meri Ankhien
Bhula Do gaye?"

"Main Kehta Hoon
Kabhi iss Baat Per Socha Nahi Main Nay
Ager Ik Pal Ko B Sochon To
Saansien Ruknay Lagti Hain"


"wo Kehti Hai Tumhien Mujh Say
Mohabbat Is Qader Kyu Hai
Keh Main Ik Aam Si Larki
Tumhien Kyu Khaas Lagti Hoon"


"Main Kehta Hoon
Kabhi Khud Ko Meri Ankhon Say Tum Deikho
Meri Dewangi Kyu Hai
Yeh Kkhud He Jaan Jao Gi"

"Wo Kehti Hai
Mujay Warftgi Say Dekhtay Kyu Ho
Keh Main Khud Ko Bohat
Qeemti Mehsoos Krti Hoon"

"Main Kehta Hoon
Mata-E-Jaan Bohat Anmool Hoti Hai
Tumhien Jab Dekhta Hoon Zindagi
Mehsoos Krta Hoon"

"Wo Kehti Hai Mujay Alfaaz K Jugno Nahi Miltay
Keh Tumhien Bta SakUun
Keh Dil Main Mere
Kitni Mohabbat Hai"

"Main Kehta Hoon
Mohabbat To Niighaon Say Jhalkti Hai
Tumhari Khamosi Mujh Say
Tumhari Baat Karti Hai"

"Wo Kehti Hai
Batao Na Kis Ko Khonay Say Darte Ho
Batao Kon Hai Wo Jisay
Yeh Mosam Bulatay Hain"

"Main Kehta Hoon
Yeh Meri Shaayeri Hai Aiena Dil Ka
Zara Dekho Batao Kaya
Tumhien Is Main Nazar Aya"

"Wo Kehti Hai
Suno!!! Bohat Baatien Banatay Ho
Mager Sach Hai Yeh Baatien
Bohat Hi Shaad Rakhti Hain"

"Main Kehta Hoon
Yeh Sab Baatien Yeh Fasaany Ik Bahana Hain
Keh Pal Kuch Zindagani K
Tumhare Saath Kat Jayen
Phir Us K Baad Khamoshi Ka
Dilkash Raqs Hota Hai
Nigahein Bolti Hai Or
Lab Khamosh Rehtay Hain"

"Wo Kehti hai Suno Jana
Mohabbat Moom Ka Ghar Hai
Tapish Bad Gumani Ki
Kahin Pighla Na De iss ko"

Yeh mojza bhi muhabbat kabhi dikhaye mujhe..

Yeh mojza bhi muhabbat kabhi dikhaye mujhe..

Kay sang tujh pe girain aur zakham aye mujhe..

Main ghar se teri tamanna jub pehan k niklun..

Barhana shehr main koe nazar na aye mujhe..

Wo mera dost hai saray jahan ko hai maloom..

Dagha karay wo kisi se to sharm aye mujhe..

Wo mehrbaan hai to iqraar kyu nahi kerta..

Wo bdguman hai to so bar azmaye mujhe..

Main apni zaat main neelam horaha hun QATEEL,

Gham-e-hayaat se keh do k kharid laye mujhe.

Ab mere, sirf mere ho k raho..!

Apni khatir jaagey ho, soyye ho

Apni Khatir Hansey ho, royye ho

Kis liye aaj khoye khoye ho..!

Tum ne aansu bohat piyye apne

Tum bohat saal reh liye apne..!

Ab mere, sirf mere ho k raho..!

Husn hi husn ho, zahanat ho

Ishq hun main, to tum muhabbat ho

Tum meri bas, meri amanat ho…!

Jii liye, jis qadar jiye apne,

Tum bohat saal reh liye apne

Ab mere, sirf mere ho k raho..!

Rehte ho ranj o gham k ghairon mein

Dukh k, aasaib k baseyron mein

Kese chordon tumen andheron mein

Tum ko dey dunga sab diye apne

Tum bohat saal reh liye apne

Ab mere, sirf mere ho k raho..!

Tum azal se dukhon k dairre ho

Chahe khud ko ghamon se ghairey ho

Jab se peda huwe ho mere ho

Aaj kholengey lab siyye apne

Tum bohat saal reh liye apne

Ab mere sirf mere ho k raho..!

Ab mujhe apne dard sehne do

Dil ki har baat dil se kehne do

Meri bahoon mein khud ko behne do

Muddatoon zakhm khud siyye apne

Tum bohat saal reh liye apne

Ab mere sirf mere ho k raho…

Habs-e-Duniya Se Guzar Jaatay Hain.

Habs-e-Duniya Se Guzar Jaatay Hain. 

Aisa Kartay Hain Ke Mar Jaatay Hain. 

Kaisay Hotay Hain Bicharnay Waalay. 

Hum Ye Sochain Bhi Tou Dar Jaatay Hain. 

Ab Na Dekho Meri Banjar Aankhain. 

Charhtay Darya Tou Utar Jaatay Hain. 

Dhoop Ka Roop Rachaanay Waalay. 

Shaam Ko Aur Nikhar Jaatay Hain. 

Tum Kahaan Jao Ge Socho Mohsin. 

Log Thak Haar Ke Ghar Jaatay Hain.

Suno logo meri ankhain khareedo gay?

Suno logo

meri ankhain khareedo gay?

Mujhay ik khwab ka tawaan bharna ha,

Ek esa khwab tha,,

Jo keh jagti ankhoun ne dekha tha,,

baray hi chao say,,,

our kitny armanoun se dekha tha,,

Magar dekhay huay us khwab ki tabeer ulti ha,

nahin shikwa kisi say apni hi taqdeer ulti ha,

jo ab tak ho chuka mujh ko, whi nuksan bharna ha,

Ab ankhain baich kar hi khwab ka tawan bharna ha,

Suno logo

Meri Aankhein Khareedo Ge?....

Bohat Majboor Haalat Mein Mujhe Neelaam Karni Hain

Koi MujhSe Naqad Le Le

Main Thore Daam Le Lon Ga

Jo Pehli Boli De De Bas Usi Ke Naam Kar Dun Ga

Mujhe Baazaar Waale Keh Rahe Hain Kam-Aqal Taajir....

Arey Sunsaan logo Main Nahin Hun Hirs Ka Khawahaan

Nafa Nuqsaan Ki Shatranj Nahin Main...... Khelne Aaya

Koi MujhKo Kahe Na ManChala Saa Be-Hunar Taajir....

Bata Paaun Tumhein Kis Tarha Kis Tashweesh Mein Rakhun

Suno Logo!

Bari Mehboob-Tar Hain MujhKo Meri Neem-Tar Aankhein....

Magar Ab Bechta Hun K

Mujhe Ik Khuaab Ka Taawaan Bharna Hai

Suno....

Meri Aankhein Khareedo Ge....???

MUjhe Jo Kuch Bhe Kehna Tha Abhe Main Keh Nahe Paya

Mujhe Jo Kuch Bhe Kehna Tha Abhe Main Keh Nahe Paya

Meri Tehreer Kii Zad Mein Abhe To Kuch Nahe Aaya

Abhi Wo Karb Likhna Hai Jisey Mehsoos Karta Hon

Abhe Wo Khwaab Likhney Hain Jo In Aankhoun Main Paltey Hain

Mujhe Unko Bhe Likhna Hai Jinhien Main Dhoond Na Paya

Abhe Wo Log Likhney Hain Jo Kho Kar Haath Maltey Hain

Abhe Wo Ashk Likhney Hain Kabhe Jo Keh Nahe Paya

Meri Tehreer Ki Zad Mein Abhe To Kuch Nahe Aaya

Abhe Mosamoun Ki Shokiyaan Tehreer Karni Hain

Utahney Hain Abhe Darya Sey Mujh Ko Pyaas Key Pehrey

Abhe To Khusk Pairoun Par Mujhey Rim Jhim Bhe Likhna Hai

Kahien Pey Dhoop Likhni Hai Khien Pey Teergi Chaya

Meri Tehreer Kii Zad Mein Abhe To Kuch Nhe Aaya

Abhe To Mujh Ko Likhnii Hain Kissi Kii Reshami Zulfien

Kisi Kii Surmageen Palkien Kisi Ki Aankh Ka Kajal

Kisi Ki Un-Kahiii Baatien Macha Dien Dil Mein Jo Halchal

Abhe Wo Sab Bhe Likhna Hai Jo Mera Ishq Kehlaya

Meri Terhreer Kii Zad Mein Abhe To Kuch Nhe Aaya

Abhe To Wo Saffar Likhna Hai Jo Darpaish Hai Mujh Ko

Abhe To Tum Ko Apni Pyaas Ka Sehra Dikhana Hai

Abhe To Hijr Kii Likhni Hain Saari Matmii Raatien

Abhe To Aisey Lamhey Bhe Tumhien Aa Kar Sunaney Hain

Ke Jin Sey Ashk Aankhoun Mein Magar Is Dil Ko Behlaya

Meri Tehreer Kii Zad Mein Abhe To Kuch Nahe Aaya

Abhe Sey Saath Chorey Ja Rhay Ho Kis Liiye Janaa'n

Abhe To Khul Key Dil Ka Haal Bhe Tum Ko Na Batlaya

Meri Tehreer Kii Zad Mein Abhe To Kuch Nahe Aaya ...!!!!

Aik He Aag ke Sholow'n Me Jalai Hue Loog

Aik He Aag ke Sholow'n Me Jalai Hue Loog

Rooz Mil Jaty Hen, Do Chaar Sataye Hue Loog

Wohe Mai Hun, Wohe Asooda Kharami Mery

Or Har Samt Wohe Daam Bichaye Hue Loog

Khuab Kaisy Keh ab Ankhen He Salamat Reh Jai'n

Wo Fiza Hai Keh Rahen Khud Ko Bachai Hue Loog

Tery Mehram To Nahi Aye Nige-Naaz Magar

Hum Ko Pehchan keh Hain Tery Bulai Hue Loog

Zindagi Deekh Ye Andaz Tery Chahat Ka

Kin Saleboon Ko Hen Seny Se Lgaye Hue Loog

Phir Wohe Hum Hen Wohe Halqa-e-Yaaran Bhe He Shooq

Phir Wohe Sheher, Wohen Sang Uthaye Hue Loog

Harf lafzon ki taraf lafz ma’aani ki taraf

Harf lafzon ki taraf lafz ma’aani ki taraf

Laut aaye sabhi kirdaar kahaani ki taraf

Hosh kho baitha tha main zardi e jaan se aur phir

Ik hawaa aayi uraa le gayi paani ki taraf

Pahle misre mein tujhe soch liya ho jisne

Jana partaa hai use misra e saani ki taraf

Dil mein ik shakhs ki ummid ka marna tha ki bas

DhaRkanein khinchne lagin marsiya-khaani ki taraf

Chashm e veeraan ko baharhaal khushi hai iski

Khaab raaghib to hue naql e makaani ki taraf

Jab fizaa uske badan-rang ki ho jaayegi

Ghaur se dekhenge ham apni jawaani ki taraf

Ham to ik umr hui apni taraf aa bhi chuke

Aur dil hai ki usi dushman e jaani ki taraf

Us se kahnaa ki dhuaan dekhne laayaq hogaa

Aag pahne hue jaaoonga main paani ki taraf

Dil wo dariya hai mire seena e khaali mein k ab

Dhyaan jata hi nahin jiski rawaani ki taraf

Uthne lagti hai mire jism se ik boo e firaaq

Raat dekhoon jo kabhi raat ki raani ki taraf

Chara'gar ay Dil-e-betaab kahan aaty hain

Chara'gar ay Dil-e-betaab kahan aaty hain

Mujh ko khush rehne k adaab kahan aaty hain.

Me to yak musht osay soonp dun sub kuch lekin.

Aik muthi mein mere khuwaab kahan aaty hain.

Mud'daton baad osay dekh k Dil bhar aya.

Warna seh'raon mein selaab kahan aaty hain.

Meri Be'dard nigahon mein agar bhooly se.

Neend aye bhi to ab khuwaab kahan aaty hain.

Tanha rehta hun me din bhar bhari duniya mein "Qateel"

Din bury hon to phir ehbaab kahan aaty hain.

Kaha tha na k Youn Sotay Huway

Kaha tha na k Youn Sotay Huway

Mat Chhor Kay Jana

Mujhay Be_Shak Jaga Dena

Bata Dena!

Tumhein Rasta Badalna Hay

Meri Had Say Nikalna Hay

Tumhein Kis Baat Ka Darr Tha

Mein Tumhein Janay Nhi Deta

Kahin Pay Qaid Kar Leta

ARAY PAGAL !!!

Mohabbat Ki Tabiyat Mein

Zabardasti Nhi Hoti

Jisay Rasta Badalna Ho

Usay Rasta Badalnay Say

Jisay Had Say Nikalna Ho

Usay Had Say Nikalnay Say,

Na Koi Rok Paaya Hy,

Na Koi Rok Paaye Ga,

To Tumhein Kis Baat Ka Darr Tha

Mujhay Be_Shak Jaga Detay

Mein Tum Ko Dekhh Hi Leta

Tumhein Koi Dua Deta

Kam_Az_Kam Youn To Na Hota

Meray Saathi Yeh Haqeeqat Hay

Tumharay Baad Khonay Kay Liye Kuch B Nhi Baaki

Magar Mein Khonay Say Darrta Hoon

Mein Ab Sonay Say Darrta Hoon

Kaha tha na

K Youn Sotay Huway Chor K Mat Jana!"

Kuch yadgar-e-shehr-e-sitamgar hi le chalain

Kuch yadgar-e-shehr-e-sitamgar hi le chalain

Aaye hain is gali mein to Pathar hi le chlain

Youn Kis trha Katay ga Karri dhoop Ka safar?

Sar Per Khayal-e-yar Ki chaadar hi le chalain

Ranj-e-safar ki koi nishani to Pas ho

Thori c Khaak-e-Kocha-e-Dilbar hi le chalain

Ye Keh Ke chairti hai hamein Dil'giraftagi

Ghabra gaye hain Aap to bahir hi le chalain

Is shehr-e-be'charagh mein Jaye gi tu Kahan?

Aa Ay_shab-e-firaaq tujhe ghar hi le chalain

teri yaadoun ki khushboo khirkiyoun main raqs karti hay

Samandar main utarta hoon tou aankhain bheeg jaati hain 

teri aankhoun ko parhta hoon tou aankhain bheeg jaati hain 

tumhaara naam likhney ki ijaazat chin gayi jub say 

koi bhi lafz likhta hoon tou aankhain bheeg jaati hain 

teri yaadoun ki khushboo khirkiyoun main raqs karti hay 

teray gham main sulagta hoon tou aankhain bheeg jaati hain 

main huns k jhail laita hoon judaayi ki sub hee rasmain 

galey jub us k lagta hoon tou aankhain bheeg jaati hain 

najaaney hogaya hoon isqadar hassaas main kub say 

kisi say baat karta hoon tou aankhain bheeg jaati hain 

woh sub guzrey huay lamhaat mujh ko yaad aatey hain 

tumhaarey khut jo parhta hoon tou aankhain bheeg jaati hain 

main saara din bohat masroof rehta hoon magar joonhi 

qadam chaukhat pay rakhta hoon tou aankhain bheeg jaati hain 

hur ik muflis k maathey par alam ki daastaanain hain 

koi chehra bhi parhta hoon tou aankhain bheeg jaati hain 

barey logoun k oonchey budnuma or sard mehloun ko 

ghareeb aankhoun say takta hoon tou aankhain bheeg jaati hain 

teray koochey say ab mera talluq waajibi sa hay 

magar jub bhi guzarta hoon tou aankhain bheeg jaati hain 

hazaaroun mausamoun ki hukmraani hay meray dil par 

Wasi main jub bhi HUNSTA hoon tou aankhain bheeg jaati hain!! 

Andaaz apna dekhtay hain Aayene mein wo

Andaaz apna dekhtay hain Aayene mein wo

Aur ye bhi dekhtay hain koi dekhta na ho

Apni duwa mein sirf mujhe maangtay hain wo

Aur ye bhi maangtay hain koi mangta na ho

Mujh ko pata hy mujh say hi kertay hain pyar wo

Phir bhi na jaane kehnay say kyun dar rahay hain wo

Har lamha meray barey mein hi sochtay hain wo

Aur ye bhi sochtay hain koi sochta na ho

Bus mujh ko Dil-o-Jan say hi chahtay hain wo

Aur ye bhi chahtay hain koi chahta na ho

Tu Ne Dekha He Khabi Aik Nazar Shaam Key Baad

Tu Ne Dekha He Khabi Aik Nazar Shaam Key Baad

Kitney Chup Chaap Sey Lagtey Hen Shajar Shaam Key Baad

Itney Chup Chaap Key Rastey Bi Rahengey Laa Ilm

Chor Jaaengey Kisi Roz Nagar Shaam Key Baad

Mene Aisy Hi Giney Teri Judaai Me Kiye

Jese Tufaan Me Koi Chor Dey Ghar Shaam Key Baad

Shaam Sey Pehley Vo Mast Apni Uraanon Me Raha

Jis Key Hathon Me Tey Tootey Huey Par Shaam Key Baad

Raat Beti To Giney Aabley Aur Phir Socha

Kon Ta Bahis E Agaaz E Safar Shaam Key Baad

Tu He Suraj Tujey Maaloom Kahan Raat Ka Dukh

Tu Kisi Roz Mere Ghar Me Utar Shaam Key Baad

Lot Aaye Na Kisi Roz Vo Awaara Mizaaj

Khol Rakhtey Hen Isi Aas Pe Dar Shaam Key Baad

Ab aur kya kisi se marasim barhayen hum

Ab aur kya kisi se marasim barhayen hum 

Ye bhi bohot hai, tujhe bhool jayen hum 

Sehra-e-zindagi mein koyi doosra na tha 

Suntay rahe hain aap hi apni sadayen hum 

Is zindagi mein itni faraghat kise naseeb 

Itna na yaad aa ke tujhe bhool jayen hum 

Tu itni dil zada to na thi ai shub-e-firaq 

Aa tere raaste mein sitare lotayen hum 

Wo log ab kahan hein jo kehte thay kal faraz 

Heh heh khuda na karta tujhe bhi rulayen hum 

Wo Sunta To Main Kehta, Mujhe Kuch Aur Kehna Tha

Wo Sunta To Main Kehta, Mujhe Kuch Aur Kehna Tha

Wo Pal Bhar Ko Jo Ruk Jata, Mujhe Kuch Aur Kehna Tha

Kamai Zindagi Bhar Ki, Usi K Naam To Kar Di

Mujhe Kuch Aur Karna Tha Mujhe Kuch Aur Kehna Tha

Kahan Us Ne Suni Meri Suni Bhi Un Suni Kar Di

Usay Maloom Tha Itna,Mujhe Kuch Aur Kehna Tha

Meray Dil Main Jo Dar Aya Koi Mujh Main Bhi Dar Aya

Waheen Ik Rabta Toota Mujhe Kuch Aur Kehna Tha

Rawan Tha Piyar NUS NUS Main, Bohat Qurbat Thi Apis Main

Usay Kuch Aur Sunna Tha Mujhe Kuch Aur Kehna Tha

Ghalat Fehmi Ne Baton Ko Barha Dala Younhi Warna

Kaha Kuch Tha Wo Kuch Samjha,Mujhe Kuch Aur Kehna Tha

Baat Karni Mujhay Mushkil Kabhi Aisi Tu Na Thi

Baat Karni Mujhay Mushkil Kabhi Aisi Tu Na Thi

Jesi Ab Hay Teri Mehfil Kabhi Aisi Tu Na Thy

Lay Gia Cheen Kay Kyun Aaj Tera Sabr -o- Qaraar

Be Qarari Tujhay Ay DIL Kabhi Aisi Tu Na Thy

Chashm -e- Qatil Meri Dushman Thi Humaysha Lakin

Jesi Ab Ho Gai Qatil Kabhi Aisi Tu Na Thy

Un Kay Aankhon Nay KHUDA Janay Kia Kiya Jadu

Keh Tabiyat Meri Maa’el Kabhi Aisi Tu Na Thy

Aks -e- Rukh -e- Yaar Nay Kis Say Hay Tujhay Chamkaya

Tab Tujh Main Mah -e- Kaamil Kabhi Aisi Tu Na Thy

Kia Sabab Tu Jo Bigarta Hay “Zafar” Say Har Baar

Khu Teri Hur -e- Shamil Kabhi Aisi Tu Na Thy

Jo Na Mil Sake Wohi Bewafa

Jo Na Mil Sake Wohi Bewafa

Ye Bari Ajeeb Si Baat Hai

Jo Chala Geya Mujhe Chohr Kar

Wohi Aaj Tak Mere Sath Hai

Jo Na Mil Sake Wohi Bewafa

Jo Kisi Nazar Se Aata Hui

Wahi Roshni Hai Kheyal Mein

Wo Na Aa Sake Rahoun Muntazir

Ye Khalish Kahan Thi Wisal Mein

Meri Justaju Ko Khabar Nahi

Na Wo Din Rahe Na Wo Raat Hai

Jo Na Mil Sake Wohi Bewafa

Mere Pyar Lab Pe Gila Na Ho

Ye Kisi Kisi Ka Naseeb Hai

Ye Karam He Uska Jafa Nahi

Wo Juda Bhi Reh Kar Kareeb Hai

Jo Na Mil Sake Wohi Bewafa

Wohi Aankh Hai Mere Rubaru Usi

Hath Mein Mera Hath Hai

Mera Naam Tak Na Jo Le Saka

Jo Muje Qarar Na De Saka

Jo Na Mil Sake Wohi Bewafa

Jise Ikhtiyar To Tha Magar

Mujhe Apna Pyar Na De Saka

Wohi Shakhs Meri Tilash Hai

Wohi Dard Meri Heyaat Hai

Jo Na Mil Sake Wohi Bewafa

Ye Bari Ajeeb Si Baat Hai

Jo Chala Geya Mujhe Chohr Kar

Wohi Aaj Tak Mere Sath Hai

Suna Hai Log Use Aankh Bhar Ke Daikhte Hain

Suna Hai Log Use Aankh Bhar Ke Daikhte Hain

So Uss Ke Shehar Main Kuch Din Thehar Ke Daikhte Hain

Suna Hai Rabt Hai Uss Ko Kharaab Haalon Se

So Apne Aap Ko Barbaad Kar Ke Daikhte Hain

Suna Hai Dard Ki Gaahak Hai Chashm E Naaz Uss Ki

So Ham Bhi Uss Ki Gali Se Guzar Ke Daikhte Hain

Suna Hai Uss Ko Bhi Hai Shair O Shairi Se Shughaf

So Ham Bhi Mo'jaze Apne Hunar Ke Daikhte Hain

Suna Hai Bole To Baaton Se Phool Jhadte Hain

Yeh Baat Hai To Chalo Baat Kar Ke Daikhte Hain

Suna Hai Raat Usse Chand Takta Rehta Hai

Sitare Baam E Falak Se Utar Ke Daikhte Hain

Suna Hai Din Ko Usse Titliyaan Satati Hain

Suna Hai Raat Ko Jugnoo Guzar Ke Daikhte Hain

Suna Hai Hashr Hain Uss Ki Ghazaal Si Aankhain

Suna Hai Uss Ko Hiran Dasht Bhar Ke Daikhte Hain

Suna Hai Raat Se Badh Kar Hain Kaakulain Uss Ki

Suna Hai Shaam Ko Saae Guzar Ke Daikhte Hain

Siyaah Chashm To Daikhe Hain Par Na Aise Bhi

Ke Uss Ko Surma Farosh, Aah Bhar Ke Daikhte Hain

Suna Hai Uss Ke Labon Se Gulaab Jalte Hain

So Ham Bahaar Pe Ilzaam Dhar Ke Daikhte Hain

Suna Hai ,Aa'i'na Tamsaal Hai Jabeen Uss Ki

Jo Saada Dil Hain Usse Ban Sanvar Ke Daikhte Hain

Suna Hai Jab Se Hama'il Hain Uss Ki Gardan Main

Mizaj Aur Hi Laal O Guhar Ke Daikhte Hain

Suna Hai Chashm E Tasavvur Se Dasht-E-Imkaan Main

Palang Zaviye Uss Ki Kamar Ke Daikhte Hain

Suna Hai Uss Ke Badan Ki Taraash Aisi Hai

Ke Phool Apni Qaba'ain Katar Ke Daikhte Hain

Voh Sarv Qad Hai Magar Be-Gul-E-Muraad Nahin

Ke Uss Shajar Pe Shagoofe Samar Ke Daikhte Hain

Nazar Uththe To Yeh Samjho Ke Deen O Dil To Gae

So Rahravaan-E-Tamanna Bhi Dar Ke Daikhte Hain

Suna Hai Uss Ke Shabistan Se Mut'tasil Hai Bahisht

Makeen Udhar Ke Bhi Jalve Idhar Ke Daikhte Hain

Ruke To Gardishain Uss Ka Tavaaf Karti Hain

Chale To Uss Ko Zamane Thehar Ke Daikhte Hain

Kise Naseeb Ke Be-Pairahan Use Daikhe

Kabhi Kabhi Dar O Deevaar Ghar Ke Daikhte Hain

Kahaniyaan Hi Sahi ,Sab Mubalighe Hi Sahi

Agar Voh Khavaab Hai ,Tabeer Kar Ke Daikhte Hain

Ab Uss Ke Shehr Main Tehrain Ke Kooch Kar Jaaen

Faraz Aao Sitare Safar Ke Daikhte Hain

Jis Simt Bhi Dekhoon, Nazar Aata Hai Keh Tum Ho

 Jis Simt Bhi Dekhoon, Nazar Aata Hai Keh Tum Ho

Aie Jaan-E-Jahaan Yeh Koi Saaya Hai Keh Tum Ho

Yeh Khuwaab Hai, Khushboo Hai, Ke Jhonka Hai, Ke Pal Hai

Yeh Dhund Hai, Baadal Hai, Ke Saaya Hai, Keh Tum Ho

Is Deed Ki Saa'at Main Kayee Rung Hain Larzaan

Main Hoon Ke Koi Aur Hai, Duniya Hai, Keh Tum Ho

Dekho Yeh Kisi Aur Ki Aankhen Hain Ke Meri

Dekhoon Yeh Kisi Aur Ka Chehra Hai Keh Tum Ho

Yeh Umr Garezaan Kahin Theray To Yeh Jaanoon

Her Saans Mein Mujh Ko Yehi Lagtaa Hai Keh Tum Ho

Her Bazm Mein Mozoo-E-Sukhan Dil-E-Zadgaan Ka

Ab Kaun Hai Sheereen Keh Laila Hai Keh Tum Ho

Ek Dard Ka Phaila Hua Sehra Hai Ke Main Hoon

Ek Mauj Mein Aaya Hua Darya Hai Keh Tum Ho

Woh Waqt Na Aaye Ke Dil-E-Zaar Bhi Sochay

Is Shehr Mein Tanha Koi Tum Sa Hai Keh Tum Ho

Aabaad Hum Aashufta Saron Se Nahin Maqtal

Yeh Rasm Abhi Shehr Mein Zinda Hai Keh Tum Ho

Aie Jaan-E-Faraaz Itni Bhi Taufeeq Kise Thee

Hum Ko Ghame Hasti Bhi Gawaraah Hai Keh Tum Ho