Friday, 31 October 2014

Pyas e Asghar ka Aks Karbala me wo Manzar dekha

Pyas e Asghar ka Aks Karbala me wo Manzar dekha
Insan bhool jaye ga kehna keh rozy daar hun main

Monday, 20 October 2014

Ab mere, sirf mere ho k raho..!

Apni khatir jaagey ho, soyye ho
Apni Khatir Hansey ho, royye ho
Kis liye aaj khoye khoye ho..!
Tum ne aansu bohat piyye apne
Tum bohat saal reh liye apne..!
Ab mere, sirf mere ho k raho..!

Husn hi husn ho, zahanat ho
Ishq hun main, to tum muhabbat ho
Tum meri bas, meri amanat ho…!
Jii liye, jis qadar jiye apne,
Tum bohat saal reh liye apne
Ab mere, sirf mere ho k raho..!
Rehte ho ranj o gham k ghairon mein
Dukh k, aasaib k baseyron mein
Kese chordon tumen andheron mein
Tum ko dey dunga sab diye apne
Tum bohat saal reh liye apne
Ab mere, sirf mere ho k raho..!

Tum azal se dukhon k dairre ho
Chahe khud ko ghamon se ghairey ho
Jab se peda huwe ho mere ho
Aaj kholengey lab siyye apne
Tum bohat saal reh liye apne
Ab mere sirf mere ho k raho..!

Ab mujhe apne dard sehne do
Dil ki har baat dil se kehne do
Meri bahoon mein khud ko behne do
Muddatoon zakhm khud siyye apne
Tum bohat saal reh liye apne
Ab mere sirf mere ho k raho…


Thursday, 16 October 2014

Wo kar nahi raha tha meri baat ka yakeen

Wo kar nahi raha tha meri baat ka yakeen
phir yun huwa k mar kar dekhana para mjy

Habs-e-Duniya Se Guzar Jaatay Hain.

Habs-e-Duniya Se Guzar Jaatay Hain. 
Aisa Kartay Hain Ke Mar Jaatay Hain. 

Kaisay Hotay Hain Bicharnay Waalay. 
Hum Ye Sochain Bhi Tou Dar Jaatay Hain. 

Ab Na Dekho Meri Banjar Aankhain. 
Charhtay Darya Tou Utar Jaatay Hain. 

Dhoop Ka Roop Rachaanay Waalay. 
Shaam Ko Aur Nikhar Jaatay Hain. 

Tum Kahaan Jao Ge Socho Mohsin. 
Log Thak Haar Ke Ghar Jaatay Hain.

Bana k chor dety hain wo apny wajood ka aadi, Mohsin

Bana k chor dety hain wo apny wajood ka aadi, MohsiN…..
Kuch log is tarha bhi muhabton ka sila dety hain