Friday, 2 May 2014

Jaane Kya Maange


Qurbaton Mein Judaai Ke Zamaane Maange
Dil Woh Be-Mehar Hai Keh Rone Ke Bahaane Maange

Hum Na Hote To Kisi Aur Ke Charche Hote
Khalqat-E-Shehar To Kehne Ko Fasaane Maange

Yehi Dil Tha Ke Tarasta Tha Maraasim Ke Liye
Ab Yehi Tark-E-Taa-Aluq Ke Bahaane Maange

Apna Yeh Haal Ke Ji Haar Chuke Lut Bhi Chuke
Aur Mohabbat Wohi Andaaz Puraane Maange

Zindagi Hum Tere Daaghon Se Rahe Sharminda
Aur Tu Hai Ke Sada Aaina-Khaane Maange

Dil Kisi Haal Pe Qaane Nahi Aie Jaan-E-Faraaz

Mil Gaye Tum Bhi, To Kya Aur Na Jaane Maange

Ahmad Faraz Poetry

Nikaala Mujh Ko Jannat Se Fareb-E-Zindagi De Kar
Diya Phir Shauq Jannat Ka, Yeh Hairaani Nahi Jaati
********

Na Tu Khuda Hai, Na Ishq Mera Farishton Jaisa
Dono Insaan Hain To Kyun Itne Hijaabon Me Milen
********

Yun Hi Mausam Ki Ada Dekh Kar Yaad Aaya
Kis Qadar Jald Badal Jaate Hain Insan Janaan
********

Main Hurf Hurf Haqeeqat, Main Warq Warq Sachcha
Magar Shart Hai Mujhe Ghaur Se Padho Janaan
**********

Unko Bhoole Hain To Kuch Aur Preshaan Hai Faraaz
Apni Daanist Mein Dil Ne Bahut Daanai Ki
**********

Aie Dil Apne Masiha Se Bhi Umeed Na Rakh
Woh Tangdil Hai Tere Zakhm Ki Gehraai Bahut
**********

Kathin Hai Raah Guzar Thodi Der Saath Chalo
Bahut Kada Hai Safar Thodi Der Saath Chalo
Tamaam Umar Kahaan Koi Saath Deta Hai
Main Jaanta Hun Magar Thodi Der Saath Chalo
**********

Aa Keh Ab Tasleem Karen Tu Nahi To Main Sahi
Kaun Maanega Keh Ham Donon Mein Be-Wafa Koi Nahi
**********

Ab To Mujh Ko Bhi Nadamat Hai Apni Wafa Pe
Mukhtalif Kitna Zamaane Se Chalan Mera Tha
**********

Firaaq-E-Yaar Qayaamat Se Kam Nahi Faraaz
Na Din Ko Chain Aata Hai Na Raaton Ki Neend Aati Hai
**********

Kisi Be-Wafa Ki Khaatir Yeh Junun Faraaz Kab Tak
Jo Bhula Chuka Hai Tum Ko Use Tum Bhi Bhool Jaao
**********

Aise Jeene Se To Behtar Tha Ke Mar Hi Jaate
Chaarah-Gar Muft Mein Hum Ne Tera Ehsaan Liya
**********

Mujhe Wafa Ki Talab Hai Magar Har Ek Se Nahi
Koi Mile Magar Us Yaar-E-Bewafa Ki Tarha
Woh Ajnabi Tha To Kyun Mujhe Se Pher Kar Aankhe
Guzar Gaya Kisi Daireena Aashna Ki Tarha
**********

Woh Laakh Zood Faraamosh Tha Faraaz Magar
Use Bhi Mujh Ko Bhulaane Mein Ek Zamaana Laga
**********

Yunhi Mausam Ki Ada Dekh Ke Yaad Aaya Hai
Kis Qadar Jald Badal Jaate Hain Insaan Jaanaan
Dil Yeh Kehta Hai Keh Shaayad Ho Afsurda Tu Bhi
Dil Ki Kya Baat Karen Dil To Hai Naadaan Jaanaan
**********

Aie Khuda Jo Bhi Mujhe Pind-E-Shakeebaai De
Us Ki Aankhon Ko Mere Zakhm Ki Gehraai De
Itna Be-Sarfa Naa Jaaye Mere Ghar Ka Jalna
Chasham-E-Girya Na Sahi Chasham-E-Tamashaai De
**********

Samjha Rahe The Mujh Ko Sabhi Naasehaan-E-Shehar
Phir Rafta Rafta Khud Usi Kaafir Ke Ho Gaye
**********

Har Ek To Zaa'um Tha Kis Kis Ko Naakhuda Kehte
Bhala Hua Keh Safeena Kinaare Jaa Na Laga
**********

Kuch Yeh Ke Muddaton Se Ham Bhi Nahi The Roye
Kuch Zehar Mein Bujha Tha Ehbaab Ka Dilaasa
**********

Woh Zindagi Ho Keh Duniya Faraaz Kya Kijiye
Jis Se Ishq Karo Be-Wafa Nikalti Hai
**********

Safar Taweel Sahi Guftagu Maze Ki Rahi
Woh Khush Mizaj Agar Tha To Meer Main Bhi Na Tha
**********

Woh Jis Ghamand Se Bichada Gila To Is Ka Hai
Keh Saari Baat Mohabbat Mein Rakh Rakhaao Ki Thi
**********

Zabt Laazim Hai Magar Dukh Hai Qayaamat Ka Faraaz
Zaalim Ab Ke Bhi Naa Roye Gaa To Mar Jaaye Ga
**********

Bas Itna Farq Hai Yusuf Mein Aur Mujh Mein Faraaz
Keh Us Ko Ghair Mujhe Yaar Bech Dete Hain
**********

Hum Mohabbat Mein Bhi Tauheed Ke Qaayel Hain Faraaz
Ek Hi Shakhs Ko Mehboob Banaaye Rakhna

**********

Na Shab-O-Roz Hii Badlen Hain Na Haal Acchaa Hai
Kis Birahman Nain Kaha Thaa Ki Yeh Saal Accha Hai
**********

Karoon Na Yaad Magar Kis Tarah Bhulaaun Usay
Ghazal Bahaana Karoon Aur Gungunaaun Usay
**********

Monday, 21 April 2014

Her Zulm Tera Yaad Hai Bhoola To Nahi Hoon,

Her Zulm Tera Yaad Hai Bhoola To Nahi Hoon,
Ae Wada Faramosh Main Tujh Sa To Nahi Hoon

Sahil Pe Khare Ho, Tumhein Kya Gham? Chale Jana,
Main Doob Raha Hoon Abhi, Dooba To Nahi Hoon

Chup Chaap Sahi, Maslehatan Waqt Ke Haathon,
Majboor Sahi, Waqt Se Haara To Nahi Hoon

Muztar Kyon Mujhe Dekhta Rehta Hai Zamana
Deewana Sahi, Unka Tamasha To Nahi Hoon

Friday, 14 June 2013

Khand-e-gull Se

Khanda-e-gul sey bhi ehsas per youn chot lagi..
Meray hi chak girayba’n pey hansa ho jesay..


Saturday, 6 April 2013

یہ مری اَنا کی شکست ہے، نہ دوا کرو نہ دعا کرو

یہ مری اَنا کی شکست ہے، نہ دوا کرو نہ دعا کرو
جو کرو تو بس یہ کرم کرو , مجھے میرے حال پہ چھوڑ دو

وہ جو ایک ترکشِ وقت ہے , ابھی اُس میں تیر بہت سے ہیں
کوئی تیر تم کو نہ آ لگے میرے زخمِ دل پہ نہ یوں ہنسو

نہ میں کوہ کن ہوں، نہ قیس ہوں، مجھے اپنی جان عزیز ہے
مجھے ترکِ عشق قبول ہے، جو تمھیں یقینِ وفا نہ ہو

جو تمھارے دل میں شکوک ہیں تو یہ عہد نامے فضول ہیں
جو مرے خطوط ہیں پھاڑ دو، یہ تمھارے خط ہیں سمیٹ لو

جو کسی کو کوئی ستائے گا تو گلہ بھی ہونٹوں تک آئے گا
یہ تو اک اصول کی بات ہے، جو خفا ہے مجھ سے کوئی تو ہو

مجھے اب صدائوں سے کام ہے، مجھے خال و خد کی خبر نہیں
تو پھر اس فریب سے فائدہ یہ نقاب اب تو اُتار دو

مجھے اپنے فقر پہ ناز ہے، مجھے اس کرم کی طلب نہیں
میں گدا نہیں ہوں فقیر ہوں، یہ کرم گدائوں میں بانٹ دو

یہ فقط تمھارے سوال کا مرا مختصر سا جواب ہے
یہ گلہ نہیں ہے، خلوص ہے، مری گفتگو کا اثر نہ لو

یہ ادھورے چاند کی چاندنی بھی اندھیری رات میں کم نہیں
کہیں یہ بھی ساتھ نہ چھوڑ دے، ابھی روشنی ہے چلے چلو

https://blogger.googleusercontent.com/img/b/R29vZ2xl/AVvXsEhDC4aktL8UxGCeILpg5FBcbksnmczcnD6kVmLD_vnXauZgFiEPlT0fLYJ3DzFHfRDOMJRSwOaekLRgxp8Xjc2eItG99Gqi7MLZBaHKKNCuoQP3Qztl8itNBeyi8ln2m7acldjhkSUa6uAK/s1600/sad+teen+silouette.jpg