Jaane Kya Maange

Qurbaton Mein Judaai Ke Zamaane Maange

Dil Woh Be-Mehar Hai Keh Rone Ke Bahaane Maange

Hum Na Hote To Kisi Aur Ke Charche Hote

Khalqat-E-Shehar To Kehne Ko Fasaane Maange

Yehi Dil Tha Ke Tarasta Tha Maraasim Ke Liye

Ab Yehi Tark-E-Taa-Aluq Ke Bahaane Maange

Apna Yeh Haal Ke Ji Haar Chuke Lut Bhi Chuke

Aur Mohabbat Wohi Andaaz Puraane Maange

Zindagi Hum Tere Daaghon Se Rahe Sharminda

Aur Tu Hai Ke Sada Aaina-Khaane Maange

Dil Kisi Haal Pe Qaane Nahi Aie Jaan-E-Faraaz

Mil Gaye Tum Bhi, To Kya Aur Na Jaane Maange