Main Ab Tak Chal Raha Hoon………

Boht Din Se Muje Kuch An Kahe Alfaz Ne Bechain Rakha Hy,

Muje Sone Nahi Dete,
Muje Hansne Nahi Dete,
Muje Rone Nahi Dete,

Yun Lagta Hy K Jese Sans Seene Main Kahi Thehri Hui Si Hy,
Yun Lagta Hy K Jese Garmi Main……

Zra Si Der Ko Barish Baras K Ruk Gyi Ho….
Ghutan Charoo Taraf Pheli Hui Ho,

Boht Din Se Meri Ankhoon Main Sapnoo Ki Koi Doli Nahi Utri….
Boht Din Se Khyaloo Main Dabe Paoon Koi Apna Nahi Aya,
Boht Din Se Mere Jazbaat.

Jo Meri Shairi K Mosmoon Main Rang Bharte Hain……..
Kahin Khoye Hue Se Hain,

Mere Alfaz Bi Soye Hue Hain…..
Main Un Ko Dhoondne Is Zindagi K Dasht Main Nikla To Hoon Lekin…….

Muje Maloom Hy Jazbey Agr Ik Bar Kho Jayen,
To Phir Wapis Nahi Milte……

Muje Maloom Hy Phir Bi….
Abi Ik Aas Baki Hy…..

Main Ab Is Aas Ki Ungli Pakarr K Chal Raha Hoon,

Bazahir Shabnami Thandak Muje Ghere Hue Hy……..
Magar Main Jall Raha Hoon…..

Main Ab Tak Chal Raha Hoon………

بہت دن سے!
مجھے کچھ اَن کہے الفاظ نے بے چین کررکھا ہے
مجھے سونے نہیں دیتے
مجھے ہنسنے نہیں دیتے
مجھے رونے نہیں دیتے
یوں لگتا ہے!
کہ جیسے سانس سینے میں کہیں ٹھہری ہوئی ہے

یوں لگتا ہے!
کہ جیسے تیز گرمی میں
ذرا سی دیر کو بارش برس کے رک گئی ہے
گھٹن چاروں طرف پھیلی ہوئی ہے
بہت دن سے!
مری آنکھوں میں سپنوں کی
کوئی ڈولی نہیں اُتری
بہت دن سے!
خیالوں میں’ دبے پاؤں
کوئی اپنا نہیں آیا
بہت دن سے!
وہ سب جذبے!
جو میری شاعری کے موسموں میں رنگ بھرتے تھے
کہیں سوئے ہوئے ہیں
مرے الفاظ بھی کھوئے ہوئے ہیں
میں اُن کو ڈھونڈنے!
اِس زندگی کے دشت میں نکلا تو ہوں لیکن!
مجھے معلوم ہے’ جذبے!
اگر اک بار کھو جائیں
تو پھر واپس نہیں ملتے
مجھے معلوم ہے پھر بھی!
ابھی اک آس باقی ہے
میں اب اُس آس کی انگلی پکڑ کر
چل رہا ہوں
بظاہر شبنمی ٹھنڈک مجھے گھیرے ہوئے ہے
مگر میں جل رہا ہوں
میں اب تک چل رہا ہوں